Benfica po shikon në shtëpinë e Borussia Dortmundit në përpjekje për të forcuar ekipin në merkaton e janarit.
Portugezët po e ndjekin me vëmendje Julian Weigl, të cilin dëshirojnë që ta transferojnë në “Da Luz” që në janar.
Për mesfushorin interesohen edhe francezët e PSG-së, të cilët tentuan ta afronin që në merkaton e verës, por mes palëve nuk u arrit një marrëveshje.
Tashmë pritet oferta zyrtare e Benficas për të parë nëse Dortmund këtë herë do të pranojë të ulet në bisedime për një lojtar i cili mund të luajë si në mesfushë ashtu edhe në repartin e mbrojtjes.
