Espanyoli bën një goditje të rëndësishme në sulm për t’i shpëtuar rënies nga kategoria në La Liga.
Skuadra katalanase që pozicionohet në vendin e fundit të Primera Division ka arritur akordin me Benfican për të bërë të mundur rikthimin në Spanjë të Raul de Tomas, lojtar i dalë nga akademia e Realit të Madridit por që spikati me fanellat e Real Valladolid dhe Rayo Vallecanos ndërkohë që nuk arriti të linte shenjë në 6 muajt e fundit te Benfica në Portugali.
Kartoni i Raul de Tomas i ka kushtuar arkave të Espanyolit plot 20 milionë euro plus 2.5 milionë euro të tjera në formë bonusesh.
Lojtari 25-vjeçar ka kaluar me sukses vizitat mjekësore dhe nëse këto shifra konfirmohen do të shndërrohej në blerjen më të shtrenjtë të gjithë historisë së klubit të Espanyolit.
