Skuadra e Korabit nga Dibra ka angazhuar një futbollist të ri në radhët e tij. Bëhet fjalë për mesfushorin tetovar, Ersin Fetahi, i cili vjen nga Flamurtari i Prishtinës.
Korabi dhe Fetahi janë marrë vesh për një kontratë gjashtëmujore.
24-vjecari do të jetë përforcim i qëlluar për Korabin në sezonin pranveror në ligën e dytë të Maqedonisë së Veriut në futboll-grupi i Perëndimit.
Fetahi më herët ka qenë pjesë e Shkëndijës dhe Renovës.
Dibranët para ca ditësh angazhuan edhe mbrojtësin Ismail Abdullahu, kurse vazhduan bashkëpunimin me Edin Mersovskin./reshat ibrahimi/.
