Fiorentina e mposht me rezultat 2:1 Atalantën në sfidën e vlefshme për 1/8-at e Kupës së Italisë dhe avancoi për në çerekfinale, ku do të gjejë përballë Interin, që një ditë më parë eliminoi Cagliarin.
Skuadra vjollcë e nisi mirë takimin dhe kaloi në avantazh që në minutën e 11-të me anë të sulmuesit të sapoardhur në ekip, Patrick Cutrone, që pasi kombinoi bukur me Dalbert, arriti të shtyjë topin në rrjetë.
Pjesa e dytë ishte më e mirë për Atalantën, që gjeti golin me anë të një ish-i si Josip Iliçiç (67’).
Megjithatë kur të gjithë prisnin golin e dytë të Atalantës, ishte sërish Fiorentina, që nëpërmjet një zbritjeje të shpejtë, arriti të gjejë golin me anë të Lirolas (84’) dhe të sigurojë kualifikimin për më tej.
