Refuzoi Barcelonën, por Xavi ka një premtim për tifozët - Bota Sot
Refuzoi Barcelonën, por Xavi ka një premtim për tifozët

Futboll

Refuzoi Barcelonën, por Xavi ka një premtim për tifozët

Më: 16 janar 2020 Në ora: 16:28
Xavi

Legjenda e Barcelonës, Xavi ka pranuar se ka refuzuar një ofertë nga klubi për të pasuar Ernesto Valverde si trajner kryesor para se kampionët spanjoll të emërojnë Quique Setien, duke deklaruar se ishte “shumë shpejt” që ai të pranonte punën e ëndrrës.

Valverde u pushua nga puna pas humbjes 3-2 nga Atletico Madrid në gjysmëfinalen e Superkupës së Spanjës.

Xavi ishte në një listë të ngushtë të kandidatëve të paraqitur në bordin e Barcas para se ish-trajneri i Real Betis Setien të emërohej në një marrëveshje dy vjet e gjysmë, me ish-mesfushorin që mendonte se nuk ishte koha e duhur për ta marrë punën.

“Po, unë mora një ofertë nga Barcelona në prani të Eric Abidal dhe Oscar Grau, por unë nuk e pranova”, u tha ai gazetarëve të enjten.

“Është shumë shpejt për të qenë trajner te Barcelona, por do të vazhdojë të jetë ëndrra ime të jem trajner i Barcelonës në të ardhmen”.

Shfaq komentet
comments powered by Disqus
Sot mund të lexoni Shfletoni kopertinat