Rrahmani te Napoli, ja çfarë thotë Challandes - Bota Sot
Rrahmani te Napoli, ja çfarë thotë Challandes

Futboll

Rrahmani te Napoli, ja çfarë thotë Challandes

Më: 17 janar 2020 Në ora: 23:01
Amir Rrahmani

Bernard Challandes, trajneri i Përfaqësueses së Kosovës, ka komentuar për “Radio Kiss Kiss Napoli” transferimin e Amir Rrahmanit te Napoli.

Lojtari të premten ka kryer testet mjekësore, zyrtarizimi do të vije së shpejti.

Raportohet se Napoli ka paguar për të 14 milionë euro, ndërsa futbollisti do të nënshkruajë kontratë 5 vjeçare dhe do të fitojë 1.8 milionë euro në sezon.

“Rrahmani është lojtar i kompletuar, mbrojtës modern. Ai i përdor të dyja këmbët, loja e tij në ajër është fantastike. Ai ka luajtur te Dinamo Zagreb edhe si mbrojtës i majtë, mund ta bëjë edhe atë pozitë sepse është i mençur. Ai mund të luajë në të tri pozicionet e mbrojtjes, ashtu siç po bën te Verona dhe ekipi kombëtar. Adaptohet shumë lehtë për nevojat e trajnerit”, tha Challandes.

Karakteri i Rrahmanit: “Ai ka personalitet të mirë. Ka vetëbesim, është lojtar i qetë. Napoli ka bërë blerje fantastike. Për një kohë të shkurtër ai është bërë lider në mbrojtje, falë karakterit të tij. Ai është lider edhe në zhveshtore, dhe prandaj është edhe kapiten. Para Krishtlindjeve lexova se mund të shkojë në Napoli. Gjëja më e rëndësishme është që të ketë hapësira edhe nëse atje është konkurrenca e fortë”.

Shfaq komentet
comments powered by Disqus
Sot mund të lexoni Shfletoni kopertinat