Christian Eriksen dhe Interi, një histori serioze. Gjithnjë e më serioze. Bisedimet vazhdojnë, edhe nëse Tottenham nuk do ta konsideronte të kënaqshme ofertën zikaltër prej 15 milionë eurosh.
Kërkesa është gjithnjë 20 milionë, por loja tani luhet në pjesën e bonuseve. Megjithatë, bisedimet ballë për ballë mes dy klubeve mbartin shumë të panjohura.
Daniel Levy, presidenti i Tottenham, është një njeri i ashpër, shumë i aftë për t’ia dalë mbanë, madje edhe në situatat më të vështira.
José Mourinho, gjatë konferencës së djeshme për shtyp, në prag të ndeshjes së kampionatit me Watford, tha: “Unë jam i mahnitur me optimizmin e menaxherëve të Interit, kur ata ende nuk kanë paraqitur një ofertë". Megjithatë, optimizmi interist bazohet në vlerësimin reciprok midis lojtarit dhe Conte. Një vlerësim, i cili është rritur javët e fundit, me danezin që ka bërë zgjedhjen e tij, atë të veshjes së fanellës zikaltër.