Werderi importon tri pikë të mëdha, duke e mposhtur me 1:0 Fortunën nga Dyseldorfi, në takimin e javës së 18-të në Bundesliga I.
Ylli i kombëtares së Kosovës, Milot Rashica, fantastik në Dyseldorf.
Futbollisti shqiptar për mrekulli asistoi deri te Niklas Moisander i cili shënon për fittone e Werderit pikërisht në minutën e 67-të.
Rashica nga gjuajtja e lirë jashtë 16-shit, në pozitën anash, harkoi për mrekulli dhe Moisander me kokë shënon.
Werderi mban vendin e 16-të me 17 pikë dhe Fortuna mbetet dy pozita më poshtë me dy pikë me pak. Futbollisti i kombëtares së Shqipërisë, Amir Abrashi me Freiburgun ngadhënjejnë me rezultat 2:1 ndaj vendasve të Mainzit. Kwon Chang-Hoon (28') e Petersen (41') shënuan për Freiburgun dhe Mateta (82’) për Mainzin.
Abrashi luajti titullar por u ndëshkua me karton të verdhë në minutën e 82-të. Freiburg është në pozitën e gjashtë me 29 pikë, ndërsa Mainz renditet i 15-ti me 18 sosh.