Lamtumirë Man City, Otamendi kthehet në La Ligë

Futboll

Lamtumirë Man City, Otamendi kthehet në La Ligë

Më: 23 janar 2020 Në ora: 14:34
Nicolas Otamendi

Nicolas Otamendi pritet të kthehet në La Ligë duke u larguar nga Manchester City.

Valencia mendon të rikthejë në “Mestalla” mbrojtësin e Manchester City-t, Nicolas Otamendi. Spanjollët pritet të bëjnë një ofertë për 31-vjeçarin, por në përfundim të këtij sezoni.

Otamendi u transferua në Angli në vitin 2015 për 44.5 milionë euro pikërisht nga Valencia, ndërkohë që këtë sezon ai ka luajtur në 23 takime në të gjitha kompeticionet.

31-vjeçari nuk ka gjetur vazhdimësinë në këtë sezon, me Pep Guardiolën që ka preferuar të luajë me Fernandinhon në qendër të mbrojtjes.

Kjo mund të jetë një nga arsyet që mund ta shtyjnë argjentinasin që të largohet nga “Etihad” gjatë merkatos së verës.

commentFirst article
Sot mund të lexoni Shfletoni kopertinat