Drita ka huazuar portierin Leutrim Rexhepi te Vitia, skuadër që garon në Ligën e Parë të futbollit.
Lajmi është bërë i ditur nga faqja zyrtare e Dritës, përcjellë “Olle”.
Rexhepi, i cili mbeti tetë muaj jashtë fushave pas operimit, do të jetë i gatshëm që të ndihmojë Vitinë në symin e mbijetesës këtë edicion.
Më poshtë njoftimi i plotë i klubit gjilanas.
“Gardiani jonë Leutrim Rexhepi është larguar në form huazimi tek skuadra e ligës së parë KF Vitia për gjashtë muajt e ardhshëm.
Leo vitin e kaluar kishte pësuar një lendim në gju dhe ju desh ti nënshtrohet operimit, i cili e mbajti jashtë fushe për tetë muaj.
Pas riaftesimit të plotë, Leo ka filluar nga dita e parë fazën përgaditore me ekipin tonë dhe do të jetë i gatshëm që ta ndihmojë ekipin nga Vitia në synimet e saj për këtë stinor. Paq fat Leo”, njofton Drita.
Kujtojmë që portën e Dritës në pranverë do ta zë Faton Maloku, që është rikthyer nga dëmtimi.