Moussa Wague mund të largohet nga Barcelona qysh në këtë merkato.
Mbrojtësi i krahut të djathtë, Wague, ka zgjuar interesimin e disa skuadrave, por më seriozja në garën për shërbimet e lojtarit është Torino.
‘Sportmediaset’ bën të ditur se Torino ka bërë një ofertë për huazimin e lojtarit, dhe Barca është gati ta lirojë atë.
Wague do të ishte i kënaqur me një lëvizje të tillë, pasi në konkurrencë me Sergi Roberto dhe Nelson Semedo, ai e ka pasur të pamundur të fitojë minutat e tij.
Kalimi te Torino në formë huazimi do të ishte i mirë për të, pasi ai do të kishte mundësi të kthehej përsëri në ‘Camp Nou’ për të bindur Quique Setien, pasi të fitonte një dozë përvoje në Serie A.