I shumëkërkuari nga Milan, Dani Olmo është futbollisti më i ri Leipzig’ut.
Spanjolli që deri më tani mbrojti ngjyrat e Dinamo Zagrebit, është zyrtarizuar te skuadra e njohur gjermane, Leipzig.
Kështu ka njoftuar para pak çastesh “calciomercato” që ka mësuar ekskluzivisht se mesfushori ka nënshkruar me klubin nga “Red Bull Arena”.
Transferimi i tij do t’i kushtojë gjermanëve plotë 35 milionë euro, ndërsa lojtari do të përfitojë 2.5 milionë euro në sezon deri në vitin 2024.
Kësisoj, shuhet ëndrra e tifozëve Rossonerë, që ta shohin fantazistin 21 vjeçar nën fanellën “kuq e zi”.
Milani ishte i interesuar që t’i sigurojë shërbimet e Olmo’s, por që në anën tjetër nuk arriti dot t’i plotësonte kërkesat financiare të gjigantit ballkanas, Dinamo Zagreb.
