Quique Setien pësoi humbjen e parë në ndeshjen e dytë në La Liga që drejton Barcelonën. Këta të fundit u mposhtën 2-0 nga Valencia në “Mestalla” dhe trajneri foli për mediat pas disfatës.
“Pjesa e parë nuk ishte fare e mirë nga ne. Valencia pati shumë mundësi prej gabimeve tona. Nuk ka qenë mungesë përqendrimi, sepse lojtarët i pashë të përkushtuar në fushë.
Janë disa gjëra që lojtarët ende nuk po i interpretojnë siç duhet, ose ndoshta nuk ia kemi shpjeguar mirë. Kjo që u pa sot nuk i pëlqen askujt. Po rishikojmë pozicionin e disa lojtarëve.
Tjetër gjë është ta kuptosh në stërvitje dhe kur flitet dhe tjetër gjë është ta bësh në fushë atë gjë. Ka gjëra që nuk janë kuptuar”, përfundoi trajneri i katalanasve.