Zinedine Zidane e ka pësuar keq, në takimin ndërmjet Real Madridit e Celta Vigos.
Skuadra madrilene që vazhdon të kryesojë në La Liga, u ndal në barazim 2:2 në ‘Santiago Bernabeu’ – kësisoj diferenca me Barcelonën në tabelë është vetëm një pikë.
Por, përveç se ekipi i tij dështoi të arkëtojë tri pikët, kjo edhe në aspektin personal ishte një mbrëmje për t’u harruar për trajnerin Zinedine Zidane.
Qendërmbrojtësi i skuadrës së Celta Vigos, Joseph Aidoo, në një moment gjatë pjesës së dytë ndërhyri edhe në teknikun francez, që ndodhej afër vijës së rivënies anësore.