Mario Balotelli akuzohet sërish nga një vajzë e re për dhunë seksuale gjatë kohës sa ajo ishte e mitur - Bota Sot
Mario Balotelli akuzohet sërish nga një vajzë e re për dhunë seksuale gjatë kohës sa ajo ishte e mitur

Futboll

Mario Balotelli akuzohet sërish nga një vajzë e re për dhunë seksuale gjatë kohës sa ajo ishte e mitur

Më: 18 shkurt 2020 Në ora: 19:31
Mario Balotelli

Mario Balotelli po përballet me një paraqitje gjyqësore në Itali pasi u akuzua për kryerje të dhunës seksuale ndaj një vajze në moshë të mitur.

Ish-sulmuesi i Manchester Cityt dhe Liverpoolit tani luan për klubin e Serie A, Brescia, shkruan The Sun.

Por 29-vjeçari Balotelli mund të shihte që karriera e tij mbaroi pasi policia italiane po heton ngjarjet e pretenduara nga dy vjet më parë.

Futbollisti ishte pjesëtar i klubit francez Nice në atë kohë.

Balotelli raportohet se kishte shantazhuar një femër pas marrëdhënies së tyre të shkurtër në janar të vitit 2018.

Ajo thuhet se së pari i kishte thënë lojtarit se ishte 18 vjeçe, mosha lokale e pëlqimit, përpara se të zbulonte se ishte në të vërtetë 17 – dhe i kishte kërkuar 100,000 euro që të mos shkonin në polici.

Ish-këshilltari i saj ligjor thuhet se ka provuar ta shiste historinë e saj në një gazetë javore.

Por avokatja e re e femrës viktimë, Elisa Romeo, tani ka zbuluar se ka akuza serioze për sulme seksuale në pritje të futbollistit.

Zonja Romeo tha: “Në janar të vitit 2018, gruaja e re, përpara se të bëhej denoncimi nga ana e saj, ngriti një padi kundër Mario Balotelli pas një marrëdhënieje të tyre”.

“Filloi në mënyrë konsensuale. Megjithatë ai evoluoi në akte seksuale që nuk kërkoheshin nga vajza, dhe më pas në dhunë seksuale”, vazhdoi avokatja e re e vajzës paditëse.

Këshilltarët juridikë të Balotellit këmbëngulën duke thënë: “Ne do të bëjmë kontrollet e kërkuara në vendet e duhura”.

Balotelli luajti për dy vjet e gjysmë me Manchester Cityn në Angli, duke i ndihmuar ata të fitonin në Ligën Premier në vitin 2012.

Shfaq komentet
comments powered by Disqus
Sot mund të lexoni Shfletoni kopertinat