Cana: Kjo skuadër është favorite për ta fituar Ligën e Kampionëve

Futboll

Cana: Kjo skuadër është favorite për ta fituar Ligën e Kampionëve

Më: 18 shkurt 2020 Në ora: 21:45
Lorik Cana

Ish-kapiteni legjendar i Kombëtares shqiptare, Lorik Cana e konsideron skuadrën e Liverpoolit si favorite për të fituar Ligën e Kampionëve edhe këtë sezon, gjithmonë nëse kalon Atletico Madridin dhe nuk i dëmtohet ndonjë nga lojtarët e skuadrës bazë.

Në analizën e tij, 36-vjeçari gjithashtu Manchester Cityn, Real Madridin dhe Juventusin si favoritë të këtij viti dhe shton se nuk është shumë e nevojshme për të folur për një spektakël si Liga e Kampionëve, për të cilin flasin më mirë faktet, ndeshjet dhe magjia.

Intervista e plotë:

Prej sonte futbolli pushton audiencën televizive. Le të kujtojmë sipas mendimit tuaj, cilat janë sfidat më të bukura në këtë fazë të finaleve?

“Në përgjithësi, Champions League në tërësi është një kompeticion i jashtëzakonshëm. Pastaj, kur kalojmë këtë fazën e grupeve dhe fillojmë nga shkurti me fazën e eliminimit direkt, sigurisht që edhe interesimi shtohet, edhe cilësia shtohet akoma më shumë, duke e ditur që kemi të bëjmë me ajkën botërore të futbollit. Sepse UEFA Champions League nuk është vetëm një kompeticion evropian. Aty mblidhen ajka e futbollit  e gjithë globit që luajnë për këtë kompeticion. Ka sfida jashtëzakonisht të bukura, duke filluar nga sfida mes Atletico, që ka qenë dy herë finaliste në këto garat e fundit, ndaj skuadrës së Liverpoolit që ka qenë finaliste dhe fituese.

Kemi Dortmund-PSG . Një Dortmund që po ecën jashtëzakonisht shumë me një skuadër jtë re dhe dinamike ndaj një skuadre si PSG me investime të mëdha financiare dhe me superyje si Mbappe dhe Neymar. Pastaj nesër kemi befasi të tjera si Atalanta me Valencian, Chelsea-Bayern Munchen. Gjithsesi, njerëzit janë shumë kuriozë dhe nuk ka shumë nevoje të flasësh rreth Uefa Champions Leauge. Faktet, ndeshjet, spektakli dhe magjia e Champions League i tërheq njerëzit”.

Keni qenë edhe vetë pjesëmarrës në Champions League me Parisin dhe me Marseillen. Çfarë mbresash ka lënë tek Loriku pjesëmarrja në Champions?

“Është e jashtëzakonshme. Dhe për një sportist që ka arritur të luajë në kampionatet e mëdha, në klubet e mëdha, dhe dëshira për të marrë pjesë në Champions League. Mua me kujtohet që vitin e dytë me skuadrën e parë të Parisit kur ne e mbyllëm në vendin e dytë, para se ta dinimin që do të kualifikoheshim, fillon një lloj ëndrre. Ka qenë viti 2003-2004. Isha me fat që me 21 vjet unë kam përjetuar Champions Leaguen.

Kjo ka qenë ëndërr për një fëmijë që ka ëndërruar të jetë pjesë në këtë botë dhe Parisi mua më ka ndihmuar që të jem aty. Me të vërtetë ka një magji speciale. Kombëtarja është diçka shumë e veçantë, kampionatet janë të veçanta, Europa League është diçka shumë e veçantë, por kur e dëgjon atë muzikën dhe je i rreshtuar aty, ajo të jep një ndjesi shumë të veçantë”.

Në garë për Champions League janë ekipet e mëdha. Cilat janë sipas jush favoritët për këtë vit për ta fituar titullin?

“Në përgjithësi të gjithë njerëzit apo ata që janë më ndjekës, ekipi i parë që vjen në mend është Liverpooli. Është një skuadër që do ta fitojë besoj me shumë mundësi titullin në Angli dhe do t’i japë mundësi të fokusohet. Ka një kundërshtar shumë të fortë që është Atletico. Nëse e kalon Atleticon, e ka rrugën të hapur pastaj, është një makineri e përsosur nëse nuk ka dëmtime në skuadrën bazë. Një skuadër tjetër jashtëzakonisht shumë e fortë mbetet Manchester City. Një Real Madrid me në krye Zidane, që ka treguar se është i gatshëm për të fituar 3 vite rresht titullin dhe mbetet e rrezikshme. Një Juventus që është e përgatitur për të shkuar shumë larg”.

Sonte kemi dy ndeshje, Atletico-Liverpool dhe Dortmund me PSG. Me cilin do të bëjë tifoz sot Loriku?

“PSG normale, skuadra me të cilën kam luajtur”.

commentFirst article
Sot mund të lexoni Shfletoni kopertinat