Futbollistët e Liverpoolit nuk e kanë kapërdirë dot festën e madhe të Atletico Madridit pas përfundimit të ndeshjes së luajtur në Spanjë, ku ekipi i Diego Simeones mposhti 1-0 kampionët në fuqi të Evropës.
Trajneri Jurgen Klopp u shpreh pas ndeshjes se kundërshtarët po festonin shumë në dhomat e zhveshjes, duke harruar se duhet të luajnë edhe 90 minuta në Angli.
Ndërkohë, Mohamed Salah ka reaguar në Twitter me një postim shumë të shkurtër, ku lexohet: “Anfield ju pret”.
Ndeshja e kthimit e 1/8 të Champions League mes Liverpool dhe Atletico Madrid do të luhet në 11 mars.
