Genc Nuza reagon pas kritikave të shumta për ndeshjen Vushtrria – Drita

Futboll

Genc Nuza reagon pas kritikave të shumta për ndeshjen Vushtrria – Drita

Më: 21 shkurt 2020 Në ora: 22:57
Genc Nuza

Genc Nuza iu është kundërpërgjigjur kritikave të shumta pas ndeshjes Vushtrria-Drita.

Përmes një postimi në Facebook, ai ka publikuar faqen e IFAB, ku janë të shënuara ligjet e përcaktuara të lojës së futbollit.

“Lexo, mëso, studio në emër të Krijuesit tënd që krijoi cdo gjë”, ka shkruar Nuza.

Ndryshe, Genc Nuza është gjyqtari më i mirë dhe më i besueshëm në vend.

Ky është konkluzion i nxjerrë edhe nga zyrtarë e trajnerë të shumicës së klubeve në elitë.

Mirëpo, për ironi të fatit, Nuzën po e përcjellin kritikat e ndeshjeve të Dritës.

Në dy prej tri ndeshjeve të para të këtij edicioni në elitë, Nuza ka gjykuar në ndeshjet e Dritës dhe në të dy takimet është akuzuar.

Pas derbit ndaj Gjilanit u “gozhdua” pa të drejtë, pasi që në xhirimet televizive të “Supersport” shihej hapur simulimi në zonën bardhekaltër, që s’kishte lidhje me penallti.

Mirëpo, kritikat u rikthyen sot në ndeshjen ndaj Vushtrrisë.

Bardhekaltërit nga “Ferki Aliu” pretendojnë që Drita meritoi në dy raste kartonin e kuq (te Fidan Gërbeshi dhe te portieri Tafilovski), e po ashtu protestuan gjatë edhe për një gol të anuluar nga goditja e dënimit.

Image
commentFirst article
Sot mund të lexoni Shfletoni kopertinat