Futbollisti shqiptar, Betim Fazliji, realizoi gol për St. Gallenin në barazimin me rezultat 3:3 ndaj kampionit në fuqi Young Boys, në takimin e javës së 23-të të Kampionatit të Zvicrës. Ky ishte derbi i javës dhe dramatik deri në fund.
Për St. Gallenin realizuan Fazliji (10'), Demiroviq (74'), Gortler (90+1’) dhe për Young Boysin Nsame (44') e Ngamaleu (45+2) e Hoarau (90+7'-nga penalltia). Fazliji luajti standard dhe dha maksimumin. Baseli luajti baras (2:2) me Servetten.
Taulant Xhaka luajti titullar e Orges Bunjaku nga minuta e 73-të për Baselin dhe Kastriot Imeri nga minuta e 58-të për Servetten, një minutën më vonë u ndëshkua me karton të verdhë. Pajtim Kasami e Ermir Lenjani luajtën standardë për Sionin dhe si mysafirë u ndanë baras (0:0) me Luganon.
St. Gallen kryeson me 45 pikë, pasojnë Young Boys 45, Basel 40, Servette 37 pikë etj.
