Tashmë është zyrtare, ndeshja e Ligës së Evropës mes Interit dhe Ludogoretsit do të zhvillohet prapa dyerve të mbyllura të enjten, për shkak të druajtjeve nga sëmundja ngjitëse koronavirus.
Kjo sëmundje tejet ngjitëse është duke u shpërndarë me shpejtësi të madhe nëpër veri të Italisë, e cila i ka mbytur tre persona dhe i ka infektuar mbi 200 të tjerë deri tani.
Pikërisht për shkak të këtij virusi, mbrëmë u mor vendimi që të shtyhej ndeshja mes Iterit dhe Sampdorias, derisa Kryeministri i Italisë, Giuseppe Conte, ka konfirmuar se së shpejti do të vendosë nëse do t’i anulojë të gjitha ndeshjet e fundjavës në Serie A, ndërkohë që disa rajone si Lombardia, Piedmonti, Veneto, Liguria, Friuli dhe Emilia-Romagna, i kanë pezulluar të gjitha ngjarjet publike përfshirë ato sportive deri në mesnatën e 1 marsit.
Sa i përket ndeshjes që zhvillohet të enjten, UEFA tashmë ka njoftuar se zyrtarisht do të zhvillohet prapa dyerve të mbyllura, pas praninë e tifozëve.
