Dilemat, debatet e komentet nëse më i mirë është Lionel Messi apo Cristiano Ronaldo nuk kanë fund, ndërsa mendimin e tij së fundi e ka dhënë edhe legjenda e futbollit holandez e botërorm Marco Van Basten.
“Ata që mendojnë se Cristiano Ronaldo është më i mirë se Lionel Messi nuk e kuptojnë futbollin”, ka deklaruar ish-sulmuesi i Milanit.
Dy prej lojtarëve më të mirë në historinë e futbollit kanë dominuar për më shumë se një dekadë.
Messi udhëheq 6-5 sa i përket “Topave të Artë”, pas triumfit të fundit.
Sidoqoftë, të ndara janë mendimet se cili është më i mirë, ndërsa këtij debati i është bashkuar edhe Van Basten.
“Ronaldo është lojtar i madh. Por, ata që thonë se ai është më i fortë se Messi nuk e kuptojnë futbollin. Messi është unik. I paimitueshëm, i papërsëritshëm. Sikur ai lind një në 50 vite. Si fëmijë, ai ra në vazon e gjenive të futbollit”, ka thurë elozhe Van Basten për argjentinasin.