E konfirmon menaxheri i kombëtares: Ja kur vendoset për të ardhmen e Challandesit

Futboll

E konfirmon menaxheri i kombëtares: Ja kur vendoset për të ardhmen e Challandesit

Më: 4 mars 2020 Në ora: 20:23
Challandes dhe Bajram Shala

Menaxheri i Kombëtares së Kosovës, Bajram Shala ka konfirmuar se kur do të negociohet për të kontratën e re të selektorit Bernard Challandes.

Tekniku zviceran ishte emëruar në postin e përzgjedhësit të Kombëtares duke e pasuar kështu Albert Bunjakun, më 2 mars të 2018-ës.

Në media së fundmi është raportuar se kontrata e përzgjedhësit të Kosovës ka skaduar më 2 mars të këtij viti.

Në një prononcim, menaxheri Bajram Shala zbuloi se e vërteta nuk qëndron kështu.


Selektori Challandes dhe menaxheri Bajram Shala

“Kontrata aktuale e tij është deri pas Kampionatit Evropian”, pohoi Shala.

Ai shtoi se do të negociohet për kontratën e re të Challandesit, pa marrë parasysh rezultatet e kombëtares në ndeshjet e play-offit që zhvillohen në mars.

“Kurse, ndërkohë do të negociohet për kontratën e tij të re, pavarësisht rezultateve në ndeshjet e muajit mars”, tha Shala.

Kujtojmë se pas emërimit të Challandesit, Kosova pati ecuri të jashtëzakonshme të 15 ndeshjeve pa humbje.

Ndërkaq, në Ligën e Kombeve të edicionit të kaluar, Kosova përfundoi si fituese në grupin 3 të Ligës D, me numër rekord të golave në këtë kompeticion (15), duke i lënë prapa kombëtare të mëdha si Franca, Gjermania, Anglia e Spanja.

Kosova ndeshjen e radhës do ta ketë më 26 mars, në kuadër të gjysmëfinales së ‘play-offit’ të Euro 2020, ndaj Maqedonisë së Veriut. Në rast fitoreje, do të luajë me Bjellorusinë ose Gjeorgjinë në finale më 31 mars, për një vend në Evropian.

commentFirst article
Sot mund të lexoni Shfletoni kopertinat