Mesfushori anglez i Tottenham Hotspur, Eric Dier është konfrontuar me një shikues në tribunat e stadiumit pasi fansi “e ofendoi” atë, në takimin që Spurs e humbën ndaj Norwich City në kuadër të Kupës FA.
Dier u ndal në fund nga ndihmësit por një episod i tillë është i paprecedentë në nivelin elitar të futbollit anglez.
Mourinho e mbrojti lojtarin duke thënë “Eric bëri diçka që ne profesionistët nuk guxojmë ta bëjmë, por diçka që secili nga ne është në gjendje ta bëjë”.
Federata e futbollit të Anglisë dhe klubi kanë nisur hetimet ndërkohë pritet një dënim i ashpër për mesfushorin i cili ka 40 paraqitje për kombëtaren e tre luanëve.