Pakënaqësi të tjera në shtëpinë e Barcelona-s. Pas zërave mbi Setien dhe humbjes së pësuar në El Clasico, ka ardhur një dëmtim i veçantë që mund të përkeqsojë situatën.
Junior Firpo, mbrojtësi i krahut i katalanasve, ka pësuar një dëmtim në dorë gjatë një gare me go-kart, një aktivitet që është i ndaluar nga klubi.
Nëse shkaku i dëmtimit, i raportuar nga Mundo Deportivo, do të konfirmohej, klubi katalanas mund të vendosë ta gjobisë dhe pezullojë Junior Firpo-n për shkeljen e rregullores së brendshme.
Në këtë rast, mbrojtësi i krahut mund të mungojë në ndeshjen e kthimit të 1/8-ave të Champions League kundër Napoli-t.
Një tjetër problem në shtëpinë e Barcelona-s, me atmosferën që mbetet e ndezur mes lojtarëve, stafit teknik dhe klubit.