Futbolli elitar në shtetet më të mëdha të Evropës po shkon drejt izolimit.
Pas Serie A në Itali, Ligue 1 në Francë dhe disa ndeshjeve në Champions League dhe Europa League, edhe Bundesliga mund të luhet me dyer të mbyllura gjatë javëve në vazhdim.
Kreu i Federatës Gjermane të Futbollit, Christian Seifert ka deklaruar këtë të hënë se dëshira e të gjithëve është që ndeshjet e Bundesligas të luhen me tifozë, por koronavirusi tashmë ka mbrritur edhe në Gjermani dhe të gjitha gjasat që të merret vendimi për vazhdimin e kampionatit me ndeshje pa praninë e tifozëve.
“Të gjithë dëshirojmë vazhdimin e Bundesligës me stadiumet e mbushura si gjithmonë, por kjo është në pikëpyetje për momentin. Dëshirojmë të luajmë në prani të spektatorëve në ndeshjet e ardhshme, ama kjo nuk është një gjë shumë e mundshme. Se sa tifozë do të lejohen, gjithmonë nëse do të lejohen, mbetet për t’u vendosur nga autoritetet,” përfundoi Seifert.
