Trajneri i Maqedonisë: Nuk ka kuptim të luajmë pa tifozë, të anulohet ndeshja!

Futboll

Trajneri i Maqedonisë: Nuk ka kuptim të luajmë pa tifozë, të anulohet ndeshja!

Më: 11 mars 2020 Në ora: 10:31
Igor Angelovski

Koronaviorusi mund të ndikojë rëndë në ndeshjen mes Maqedonisë së Veriut dhe Kosovës, të vlefshme për play-off të Ligës së Europës.

Por trajneri i Maqedonisë së Veriut, Igor Angelovski, mendon se ndeshja duhet të shtyhet, pasi në situatën aktuale, do të luhej në rrethana absurde.

“Do të jetë një ndeshje historike ndaj Kosovës. Qeveria ka marrë masa dhe ka vendosur që të luhet me dyer të mbyllura për shkak të emergjencës së koronavirus. Por nuk është vetëm kaq, ka një urdhër nga qeveria që detyron 14 ditë karantinë për ata që arrijnë nga Italia dhe kjo vlen edhe për lojtarët. Sigurisht, nuk mund t’i imponojmë Elmas, Pandev e Nestervoski të qëndrojnë në izolim për 14 ditë për të luajtur këtë ndeshje, ndaj nuk do të mund të luanin”, ka deklaruar Angelovski për mediat maqedonase.

Sipas tij, federata ka kërkuar të shtyhet ose të mos luhet ndeshja!

“Me Federatën kemi kërkuar ta shtyjmë ose të anulohet sfida. Që kur u vendos pa tifozë nuk ka kuptim, çfarë kuptimi ka të luash edhe pa lojtarë? Përtej kësaj, edhe Kosova nuk është se favorizohet. Rrahmani, kapiteni i saj, nuk do të mund të luante në të njëjtën mënyrë”, tha Angelovski.

“Futbolli në këto kushte humb kuptimin e tij, do të duhet të luhej vetëm nëse je në kushtet më të mirë për ta bërë një gjë të tillë dhe nëse ke siguri”, deklaroi ai.

commentFirst article
Sot mund të lexoni Shfletoni kopertinat