Diego Simeone u çmend nga festa për kualifikimin e arritur në fushën e Liverpool, që erdhi pas kohës shtesë. Një ndeshje e madhe për Atleticon e tij, që eliminon kampionët në fuqi të Europës.
Gjithsesi, pavarësisht se shumë i lumtur për këtë kualifikim, Simeone i ka çuditur të gjithë gazetarët me deklaratën e tij, se ky kualifikim është krejtësisht i padrejtë.
“Patëm 30 minuta më shumë për të shënuar një gol jashtë fushës dhe Liverpooli nuk e pati atë fat. Kjo është krejtësisht e padrejtë. Rregulli na favorizoi ne këtë ndeshje, por në të ardhmen mund të jetë e kundërta.
Liverpool kishte 30 minuta më pak që të shënonte një gol jashtë fushës, pra në Madrid. Është krejtësisht e gabuar diçka e tillë”, përfundoi Simeone.
