Mario Giuffredi vazhdon të flasë për të ardhmen e Elseid Hysaj.
Menaxheri i futbollistit të kombëtares shqiptare në një intervistë për Radio Punto Nuovo ka vlerësuar Hysajn por në të njëjtën kohë ka bërë të ditur se është e pamundur që shkodrani të qëndrojë te klubi i kaltër edhe sezonin e ardhshëm.”Hysaj është një futbollist që për 3 vite ka qenë një nga më të mirët në Serie A dhe gjithashtu gjatë kësaj periudhe në kampionat dhe në Kupë që është aktivizuar nga Gattuso.
Ka treguar se zotëron një nivel shumë të lartë.
Por është e pamundur që ai të qëndrojë te Napoli. Ka ardhur moment që Elseid të ndryshojë ambient edhe pse Napoli ka qenë gjithmonë një prioritet për ne”.