Padyshim një ditëlindje e veçantë për Ronaldinhon, i cili feston 40-vjetorin e tij në një nga burgjet e Paraguait.
Futbollisti brazilian konsiderohet si njëri ndër futbollistë më të mirë të të gjitha kohërave.
Njeriu i vetëm në histori që fitoi Ligën e Kampionëve, Kupën e Botës, Copa Libertadores, Kupën e Amerikës dhe Topin e Artë, po feston sot ditëlindjen e 40-të.
Por ditëlindja e këtij viti për Ronaldinhon nuk është aspak e lumtur.
Gjithçka mund ta kishte menduar braziliani, por fakti që do festonte ditëlindjen e tij në burg nuk do ta kishte menduar kurrë.
Braziliani u arrestua së bashku me vëllain e tij në 6 mars në Paraguai, për shkak se përdornin identitet të rremë për tu futur në këtë shtet.
Megjithatë akuza më vonë u bë edhe më e rëndë, pasi Ronaldinjo u akuza edhe për pastrim parash.
Tashmë ish-sulmuesi është ën pritje që të merret vendimi përfundimtar, por duket se ai do të zgjasë, kjo për shkak të përhapjes së koronavirusit, teksa 40-vjeçarit i duhet të qëndrojë më gjatë në burg.
