Zoca, vëllai i legjendës së futbollit brazilian Pele, ka vdekur të mërkurën mbrëma në moshën 77-vjeçare.
Ai ishte i shtrirë në spitalin e Santosit pasi vuante nga sëmundja e kancerit.
Klubi i Santosit njoftoi për vdekjen e tij përmes një postimi në rrjetet sociale.
Dy vjet më i ri se Pele, Zoca luajti për Santosin mes viteve 1961 dhe 1962. Megjithatë, karriera e tij ishte e shkurtër. Ai i zhvilloi vetëm 15 ndeshje, duke i shënuar katër gola.
Ai e braktisi futbollin profesionist dhe e nisi punën për kompanitë e familjes.
Varrimi i tij do të bëhet sot në Santos në një ceremoni të kufizuar. Pjesëmarrja e Peles nuk është konfirmuar.
