Shtyhet edhe një tjetër garë!
Gjendja që po kalon e gjithë Bota nuk është aspak e mirë, me Coronavirusin që ka paralizuar gjithçka dhe ka izoluar thuajse të gjitha vendet.
Aktivitetet sportivë janë shtyrë njëri pas tjetrit dhe së fundmi ka ardhur një tjetër zyrtarizim. Edhe Kupa e Gjermanisë është shtyrë zyrtarisht për një datë që do të përcaktohet në një vendim të dytë.
Federata gjermane e futbollit ka dalë në komunikatë zyrtare ditën e sotme, duke njoftuar se gjysmëfinalet e kupës janë shtyrë deri në një vendim të dytë. Edhe pse ishte një vendim i pritshëm, vetëm ditën e sotme është zyrtarizuar nga federata.
