Fazat e fundit të Champions League dhe EuropaLleague e këtij sezoni raportohet se do të zhvendosen në korrik dhe gusht pasi pandemia e koronavirusit vazhdon të shkatërrojë kalendarin e futbollit.
Dhe të gjitha ndeshjet ndërkombëtare të planifikuara për në qershor ka të ngjarë të shtyhen deri në vjeshtë për të liruar rrugën për përfundimin e sezonit 2019/20.
Masa vjen, sipas televizionit gjerman ZDF, përpara konferencës s fundit të UEFA-s që do të zhvillohet sot.
Kësisoj, organizata e futbollit evropian është e vendosur që ky sezon të përfundojë – çfarëdo qoftë kostoja ekonomike apo faktorë të tjerët.
Kampionatet dhe kompeticionet evropianë për klube pritet të zhvillohen deri në fund të gushtit.
