Ylli Manchester United, Marcus Rashford, ka pranuar se do të donte shumë që shoku i kombëtares së Anglisë, Jadon Sancho, të bashkohej me skuadrën e tij para fillimit të sezonit të ardhshëm.
Sancho është emri më i përfolur në tregun e transferimeve pas dy sezoneve të jashtëzakonshme te Borussia Dortmund.
Në sezonin 2019/2020, Sancho ka regjistruar 17 gola dhe 19 asistime në 35 paraqitje, duke u bërë një nga sulmuesit më të mirë të Evropës, edhe pse është vetëm 20 vjeç.
“Do të ishte mirë (nëse Sancho na bashkohet)”, ka deklaruar Rashford.
“Sancho është një lojtar i shkëlqyer dhe është një lojtar i brezit të ri”.
“Definitivisht është interesante të shohësh atë se çfarë lojtari po bëhet. Shpresoj që të mund të luajmë së bashku, do të ishte mirë”.
