Trajnerët dhanë shumëçka në mbajtjen gjallë të futbollit të Kosovës, në periudhën më të vështirë, në kohën e okupimit 1991-1999.
Ahmet Sylejmani, i takon Gjeneratës së Republikës. Trajner që dha shumë dhe asnjëherë nuk u ndalë përkundër kërcënimeve që vinin në adresë të tij nga pushtuesi serb.
Ai sakrifikoi së bashku me mijëra sportistë, iu kundërvu regjimit serb dhe zhvilluan garat në kuadër të Republikës së Kosovës.
Sylejmani, sot është i lumtur që futbolli ynë po shkon me hapa të mëdhenj si kombëtare dhe është afër realizimit të ëndrrës, të kualifikohet në Kampionatin Evropian.