Edison Cavani përfundon kontratën me PSG-në në fund të sezonit dhe është duke shikuar për një ekip të ri ku do të vazhdojë karrierën e tij.
Pas shtatë vitesh, uruguaiani ka vendosur të largohet nga klubi francez dhe në sezonin e ardhshëm do ta shikojmë në një ekip të ri. Interesimet për të janë të shumta, me disa skuadra që duan ta afrojnë në ekipet e tyre.
Një nga skuadrat e interesuar për sulmuesin është edhe Napoli, që dëshiron ta rikthejë përsëri në Itali Cavanin.
Madje thuhet se napolitanët kanë gati një kontratë astronomike që kalon 7 milionë eurot, për ta bindur futbollistin të rikthehet përsëri.
