Në ditën e sotme kemi pasur një numër rekord sa i përket të infektuarve në Shqipëri, teksa numri ka shkuar në 27. Ndërkohë një pjesë dërrmuese e rasteve kanë ardhur nga Shkodra, jo pak por 12 të tilla.
Një prej tyre duket se ka qenë edhe një i afërm i futbollistit të Vllaznisë, Ndriçim Shtubina.
Nëpërmjet një publikimi në rrjetet sociale, mjeku i Vllaznisë, Ilirjan Haxhaja, shkruan se testi i është bërë edhe lojtarit ndërsa mbeten në pritje të përgjigjes, megjithëse aktualisht nuk ka simptoma.
Por pavarësisht kësaj frika ekziston për marrjen e virusit nga i afërmi i dalë si pozitiv. Deri tani fatmirësisht nuk ka asnjë lojtar pozitiv me Koronavirus në Shqipëri dhe shpresohet se përgjigja do të jetë e mirë edhe për Shtubinën.
