Interi do të sakrifikojë Radja Nainggolan, Henrique Dalbert dhe Victor Moses për të marrë nga Fiorentina, Federico Chiesa.
Sipas Sportmediaset, Interi i Antonio Contes po punon për të mbledhur 50 milionë euro, aq sa kërkon Fiorentina për reprezentuesin e Italisë.
Andaj shitja e mundshme e lojtarëve të lartpërmendur mund të arrijë dhe kalojë shifrën e kërkuar.
Sido që të jetë, nuk do ta kenë të lehtë ta marrin atë pasi në garë janë edhe Juventus, Paris Saint-Germain dhe Manchester United.
Raportohet se Interi do të fitojë 10 milionë euro përveç parave nga shitja e Dalbert dhe Nainggolan.
12 milionë euro tjera do të shpëtohen nga mos aktivizimi i blerjes së Moses.
Nainggolan është i huazuar te Cagliari, por duket se do të ndërrojë skuadër dhe Interi mezi po pret të përfitojë ekonomikisht.
Derisa Dalbert tashmë e vesh fanellën e Fiorentinës pasi është huazuar në marrëveshje shkëmbimi me Cristiano Biraghi.
Ai po bën paraqitje fantastike dhe te Viola e duan në skuadër..
