Çfarë shkruhet për Guardiolën?

Futboll

Çfarë shkruhet për Guardiolën?

Më: 7 prill 2020 Në ora: 14:11
Çfarë shkruhet plër Guardiolën?

Pep Guardiola do të bëjë një gjest tjetër njerëzor pas dhurimit të 1 milion eurove për luftën ndaj koronavirusit në betejën mjekësore me këtë virus në Barcelonë.

Aktualisht, trajneri i Manchester Cityt ndodhet në vendlindje për t’i dhënë lamtumirën nënës së tij, e cila u nda nga jeta ditën e hënë për shkak të Covid-19.

Dolors Sala Carrio humbi betejën me koronavirusin në moshën 82-vjeçare. Koronavirusi ka marrë më shumë se 3000 jetë në Katalonjë, ndërsa viktimat në Spanjë kanë kaluar shifrën 13 mijë.

Muajin e shkuar, ish-trajneri i Barcelonës dhuroi 920 mijë funte për fondacionin “Angel Soler Daniel”, për të luftuar koronavirusin në vendlindjen e tij.

The Times zbulon se me t’u kthyer në Mançester, stafi teknik i kampionëve të Anglisë ka vendosur që të ulë rrogat, duke përfshirë edhe teknikun 49-vjeçar, por edhe administratorin Ferran Soriano dhe drejtorin sportiv, Txiki Begiristain.

Shtypi zbulon se Guardiola dhe pjesëtaret e tjerë të stafit kanë mbajtur diskutime jozyrtare për uljen e rrogës gjatë pandemisë për të ndihmuar në lehtësimin e problemeve të krizës financiare që po shkakton ndërprerja e sezonit.

commentFirst article
Sot mund të lexoni Shfletoni kopertinat