Strakosha është një ndër portierët më të mirë në Serie A

Futboll

Strakosha është një ndër portierët më të mirë në Serie A

Më: 7 prill 2020 Në ora: 14:41
Strakosha është një ndër portierët më të mirë në Serie A

Thomas Strakosha është një ndër portierët më të mirë në Serie A! Gardiani shqiptar ka qenë shpeshherë protagonist te Lazio, me pritjet e tij, duke i siguruar suksese tepër të rëndësishme të kaltërve. Njëkohësisht, Strakosha dëshiron që të vlerësohet nga bardhekaltrit për atë që u jep atyre dhe dëshiron që të paguhet në bazë të këtij kontributi. Sipas mediave italiane, portieri nuk ka rinovuar ende me klubin lacial.

Rinovimi mbetet peng i detajeve financiare. Strakosha fiton 1,2 milion euro aktualisht dhe Lazio është gati t’i ofrojë 1,5 milionë euro në sezon, me Igli Taren që ka vendosur bonuse, të cilat e çojnë këtë shifër në 2 milionë euro.

Por futbollisti mendon se meriton më shumë se kaq dhe dëshiron që rroga bazë të nisë pikërisht nga 2 milionë eurot në sezon, me bonuse të tjera shtesë. 

Pritet që në ditët e ardhme, palët të arrijnë gjuhën e përbashkët, për sa i përket anës financiare. Prioritet për portierin shqiptar është Lazio, gjithsesi edhe financat janë goxha të rëndësishme.

commentFirst article
Sot mund të lexoni Shfletoni kopertinat