Klopp synon mbrojtësin brazilian.
Sevilla duket se ka bërë një goditje mjaft të suksesshme verën e vitit të shkuar, kur mori nga Nantes për 15 milionë euro Diego Carlos.
Braziliani ka zhvilluar një sezon mjaft të mirë në Spanjë dhe vlera e kartonit të tij ka prekur shifrën e 35 milionë eurove tashmë. Në garë për shërbimet e tij janë Liverpool dhe Barcelona.
“The Reds” e shohin si partnerin ideal për Van Dijk, pasi Gomez e Matip nuk bindin, ndërsa Lovren do të largohet. Nga ana tjetër, Barcelona e kërkon si zëvendësuesin e Umtiti, i cili pritet të firmosë për Chelsean.