Pandemia e madhe botërore “Covid19” ka pezulluar të gjitha aktivitetet sportive.
Premier League poashtu ka kohë që e ka ndaluar aktivitetin e saj.
Nuk duket se sezoni do të shpallet ti pavlefshëm, por ka ende shumë punë për të ardhur deri te momenti i vazhdimit të tij.
Fatmirësisht, duket se përgjegjësit kanë një plan për vazhdimin e tij.
Sipas ‘The Mirror’, klubet janë të gatshme të nxjerrin makineritë e testimit të COVID-19, për të rritur përgatitjet për rikthim.
Teknologjia do të përdorët në baza ditore çdo ditë për të monitoruar shëndetin e lojtarëve, dhe shumë ekipe presin që të rikthehen në stërvitje muajin tjetër.
Disa klube madje u kanë thënë yjeve të tyre të përgatiten për një rikthim në mes të majit.
Përfaqësuesit e ligave janë takuar rregullisht me qeverinë për të diskutuar mbi rifillimin pasi të hiqet bllokimi kombëtar.
Vazhdimi i kampionatit do të luhet me dyer të mbyllura, por ndeshjet do të transmetohen të gjitha.
Takimi i radhës i Premierligës do të jetë më 17 prill, ku do të diskutohet për të gjitha opsionet e rikthimit të mundshëm të ligës.
