Mediat kroate japin lajmin e rëndë, ndërroi jetë legjenda e futbollit kroat në moshën 68 – vjeçare, Çedomir Joviçeviç.
Gazeta kroate “Veçernj list” shkruan se Çedo ka lind me 14 qershor të vitit 1952 në Cetinje të Malit të Zi, duke bërë hapat e tij të parë të futbollit në skuadrën e Llovçenit, pastaj erdhi në Dinamo në vitin 1972 me ftesë të trajnerit të atëhershëm Drazhen Jerkoviç.
“Të shtunën në mesditë vjen lajm i trishtuar, Çedomir Joviçeviç, ish lojtar që regjistroi gati 400 paraqitje në fanellën e kaltër. Ai mbahet mend si një mbrojtës i fortë në vitet e 70-ta, i cili luajti në Dinamo për një dekadë të tërë. Djali i tij Igori, është trajneri aktual i Dinamos II”, shkruan media kroate.
Duhet theksuar, se Çedo ka qenë mik i madh, koleg, trajner e mentor i legjendës së futbollit të Kosovës dhe atij kroat, Ardian Kozniku.
