Ndoshta është vetëm një ëndërr, por ku i dihet.
Tek Independiente shpresojnë dhe e presin. Sergio Aguero në atdhe, për të veshur atë fanellë me numrin 10 të ruajtur vetëm për të. Në një intervistë të dhënë për Super Mitre Deportivo, trajneri aktual i klubit të Avellaneda-s, Lucas Pusineri, nuk e ka fshehur ambicien e tij: “Shpresoj të jem unë trajneri i Aguero-s”.
Dhe, në fakt, nuk do të ishte edhe aq e pamundur, ndoshta pas disa kohësh, ta shikojmë Kun, aktualisht te Manchester City, t’i kalojë vitet e fundit të karrierës në Argjentinë, ku ka shumë tifozë që e presin:
“Kam qenë shoku i tij skuadrës dhe shpresoj që të kem mundësinë të jem trajneri i tij në të ardhmen. Po ia ruajmë fanellën me numrin 10”, ka thënë trajneri i Independiente-s.
Aguero, nga ana e tij, nuk e ka fshehur kurrë dëshirën për t’u kthyer në ‘shtëpi’ një idtë ddhe për ta mbyllur karrierën me atë fanellë që, me sa duket, po pret vetëm që të vishet nga ai...