Nga ky ndërrim, Miralem Pjaniç do të përfundonte në “Camp Nou” e Arthur Melo në “Allianz Stadium”
Juventusi ia ka propozuar Barcelonës shkëmbimin e lojtarëve.
Me këtë rast, Miralem Pjaniç do të përfundonte në “Camp Nou”, e në këmbim, “Bianconeri” do ta merrnin Arthur Melon.
30 vjeçari boshnjak pritet të largohet nga “Allianz Stadium” gjatë verës që vjen.
Loja e tij përshtatet mjaft mirë me atë të gjigantit katalunas.
Prandaj, mediumi “RAC-1” raporton se të dyja klubet janë në bisedime për një shkëmbim të mundshëm.
Nga ana tjetër, Bardhezinjve iu pëlqen braziliani Arthur, i cili pëlqehet edhe nga Interi. 24 vjeçari ka kontratë me kampionin aktual spanjoll deri në vitin 2024.
Mbetet të shihet gjatë verës nëse do të realizohet ky shkëmbim.
