Ish-mbrojtësi francez, Patris Evra ka zbuluar disa detaje nga fëmijëria e tij e vështirë, duke treguar se madje edhe ka lypur në rrugët e Parisit, por ai thekson se pikërisht kjo gjë e ka bërë të fortë.
38 vjeçari, i cili ka luajtur me Juventusin, Junajtid, Uest Ham, etj., shpjegon më tej se ai ka qenë pjesë e një familjeje të madhe me shumë vëllezër dhe motra, prandaj dhe shpeshherë mbeste pa buke. Kjo e shtynte drejt zgjidhjes më të mirë që ishte lypja.
“Do të tregohem i sinqertë me ju. Kam kaluar një fëmijëri të vështirë, duke qenë se kam shumë motra e vëllezër. Nuk ishte e lehtë të jetoje në rrugë. Nganjëherë nuk arrija as të kisha ushqim. Nuk kam frikë të tregoj që kam lypur para përpara dyqaneve.
Ishte një periudhë e vështirë, por e lumtur. Isha gjithmonë i lumtur dhe ndihesha me fat. Nuk do të ndryshoja asgjë nga ajo periudhë, sepse ajo më bëri ky që jam,” tregoi Evra për kanalin zyrtar të Mançester Junajtid.
