Bundesliga përfundimisht po nis derisa masat dyket të jenë maksimalisht të rrepta.
Ministri i Brendshëm dhe i Sportit në Gjermani, Horst Shefer ka dhënë dritën jeshile për rifillimin e kampionatin, por shprehet nëse qoftë edhe një rast rezulton pozitiv, e gjithë ekipi duhet të futet në karantinë 2 javore.
“Unë mendoj se plani i dhënë nga federata është i arsyeshëm dhe unë i mbështes ata për rifillimin e kampionatit brenda majit.
Megjithatë në rast se një person del pozitiv më Koronavirus, qoftë lojtar apo stafit teknik, e gjithë skuadra dhe ndoshta kundërshtari me të cilin janë përballur herën e fundit duhet të futen në një karantinë dy javore.”, u shpreh Shefer.
Bundesliga do të jetë një nga kampionatet e para kryesore që do të rinisë, pas pezullimit nga Koronavirusi.
