Holandë: Lojtarët dhe trajnerët pajtohen për reduktim në paga – bëhet fjalë për 35 milionë euro - Bota Sot
Holandë: Lojtarët dhe trajnerët pajtohen për reduktim në paga – bëhet fjalë për 35 milionë euro

Futboll

Holandë: Lojtarët dhe trajnerët pajtohen për reduktim në paga – bëhet fjalë për 35 milionë euro

Më: 7 maj 2020 Në ora: 22:19
Ilustrim

Lojtarët dhe trajnerët në futbollin e Holandës janë pajtuar për reduktim në paga.

Pak ditë pasi është marrë vendimi për anulimin e sezonit në Eredivisie, ka ardhur edhe një tjetër vendim i rëndësishëm në futbollin holandez.

Në kohën kur të gjithë po përballen me pandeminë Covid-19, pasojat ekonomike pritet të jenë të mëdha, dhe për këtë po mendohet edhe në Holandë.

Sipas raportimeve të ‘Sportschau’, lojtarët dhe trajnerët në Holandë janë pajtuar për reduktim në paga, dhe këto reduktime do të prekin një shumë prej 35 milionë eurove.

Holanda nuk ka njoftuar akoma për datën e fillimit të sezonit të ri, edhe pse në Francë kanë bërë një gjë të tillë, përkundër se anuluan sezonin më vonë sesa në Eredevisie.

Kujtojmë se Holanda i ka dhënë fund sezonit, pa shpallur ndonjë skuadër kampione.

Sot mund të lexoni Shfletoni kopertinat