Real Madrid dhe Barcelona janë gati të përballen me njëra-tjetrën këtë merkato për të siguruar shërbimet e sulmuesit anësor të Bajernit të Mynihut, Kingsli Koman, raporton “Sky”.
Francezi Koman nuk bën pjesë më në planet e klubit gjerman, sepse këta kanë zgjedhur Leroi Sane për të ardhmen e tyre, prandaj dhe do të përkushtohen në maksimum për ta sjellë në Mynih gjermanin që luan te Siti.
Koman mbush 24 vjeç së shpejti dhe pikërisht nga mosha e tij e re Bajerni synon të arkëtojë rreth 50 milionë nga shitja e francezit.
Për këtë arsye, 2 skuadrat spanjolle duhet t’i bëjnë llogaritë mirë kur të trokasin në dyert e kampionëve të Gjermanisë.
