Futbollisti i Kombëtares thyen çdo rregull.
Sulmuesi i Ahmat Groznit, Odise Roshi zgjodhi ta kalonte në Shqipëri periudhën e izolimit, konkretisht në qytetin e lindjes së tij, Fier.
Pikërisht nga Fieri vjen dhe një foto “provokuese” e Roshit, i cili ka zgjedhur të stërvitet me disa shokë të tij në grup, gjë e cila është e ndaluar me urdhër qeverie deri në datë 18 maj.
Fotoja është publikuar në Instagramin e vetë Roshit dhe aty bën pjesë gjithashtu sulmuesi i Flamurtarit, Andi Ribaj. Në foto janë plot 11 persona të cilët kanë hedhur krahun në qafë njëri-tjetrit.