Vitet që nuk harrohen, vitet e sakrificës, periudha 1991-1999, koha e okupimit!
Popullit shqiptarë i Kosovës u ballafaqua me terrorin e paparë të bandave dhe regjimit kriminal të pushtuesit serb.
Sportistët shqiptarë zhvilluan aktivitetet në fusha dhe salla të improvizuara, vazhdimisht të kërcënuar e përndjekur nga regjimi serb.
Gjeneratës së Republikës, i takon edhe Selim Ejupi apo njihet si mesfushori i artë.
Ai ka luajtur deri në qershor të vitit 1993 dhe ndeshjen e fundit finale të Kupës së Kosovës, Flamurtari – Trepça. Ejupi ka qenë kapiten i Flamurtarit dhe fituan me 1:0 ndaj Trepçës, duke e ngritur lart trofeun e çmuar.
Ejupi me mijëra sportistë nuk u ndalën në asnjë moment, por iu kundërvunë pushtuesit serb dhe e mbajtën gjallë futbollin dhe sportin e Republikës së Kosovës.
